ShQO-daǵy sý tasqyny qaýpi joǵary eki taýly aýdandaǵy qazirgi jaǵdaı qandaı
Nóserli jaýyn-shashynǵa baılanysty Katonqaraǵaı jáne Altaı aýdandaryndaǵy shaǵyn ózender tasýy múmkin. Qaýipti ýchaskeler anyqtalyp, táýlik boıy baqylaý júrgizilýde. Oblys ákimi Ermek Kósherbaev sý tasqyny qaýpi joǵary osy eki taýly aýdanda bolyp, qazirgi jaǵdaımen tanysty.
«Tótenshe jaǵdaı kezindegi áreketter tizbegi ázirlenip, barlyq kúshter men resýrstar úılestirildi. Tótenshe jaǵdaılar departamenti, polıtsııa, ormanshylyq, jergilikti atqarýshy organdardyń ókilderi birlese jumys isteıdi. Árkim óz ýchaskesin anyqtap, únemi baqylaýda ustaý qajet. Inertti materıaldar qory, tehnıka tolyqtaı daıyn», - dedi ákim.
Úı janýarlaryna arnalǵan evakýatsııalyq pýnktter men alańdar daıyndaldy. Qutqarýshylar muzdyń barysyn baqylap, keptelisti tez joıýǵa ázir.
«7 sáýirde Altaı aýdany Bogatyrevo aýylynda eki jeke turǵyn úıdiń aýlasyna sý kirgen edi. Zardap shekkender joq. TJD qyzmetkerleri Buqtyrma ózeninde jarylys jumystaryn júrgizdi. Aǵyndy sýdyń kedergisiz ótýi úshin shaǵyn sý aıdyndarynyń arnalaryn tereńdetý júrgizilýde. Bul ózen úlken alańdatýshylyq týǵyzady. Óıtkeni gıdrologtardyń aıtýynsha, mundaı ózender birneshe saǵat ishinde qaýipti belgige deıin tolyp ketýi múmkin», - dep habarlady oblys ákiminiń baspasóz qyzmeti.