ShQO-da magıstraldyq jelide aqaý shyǵyp, bir aýyl jylýsyz qaldy

<p>ÓSKEMEN. KAZINFORM &ndash; Shyǵys Qazaqstan oblysy Shemonaıha aýdanynda magıstraldyq jelide aqaý shyǵyp, Ýst-Talovka aýyly jylýsyz qaldy.&nbsp;</p>

18 jeltoqsanda tańǵy saǵat 05.00-de Ýst-Talovka men Shemonaıha aýyldaryn baılanystyryp turǵan magıstraldyq jeliden aqaý shyǵyp, sý aǵyp ketken. Bir saǵattyń ishinde mamandar aqaý ornyn anyqtap, qalpyna keltirý jumystaryn bastady. Qazir oqıǵa ornynda Shyǵys Qazaqstan oblysy ákiminiń orynbasary Baqytjan Baıahmetov júr.

- Jumysty aıaqtaý úshin taǵy úsh saǵattaı ýaqyt kerek. Odan keıin qaıta jylý berile bastaıdy, - dedi ShQO Energetıka jáne turǵyn úı-kommýnaldyq sharýashylyq basqarmasynyń basshysy Nurlan Ramazanov.

Bul magıstraldyq jeliler «Vostokenergo» kompanııasyna tıesili. Buǵan deıin olar aqaý shyqqan jelini jóndegen. Alaıda jaǵdaı qaıtalanyp otyr.

Aýdan ákimi Grıgorıı Akýlovtyń aıtýynsha, aýyldaǵy mektep oqýshylary qashyqtan oqý formatyna aldyn ala kóshirilgen. Aldaǵy ýaqytta aqaýdyń shyǵý sebepterin mamandar anyqtaıtyn bolady.

Eske salsaq, osyǵan deıin Aqtóbede jańa jyldan bastap sýmen jáne jylýmen jabdyqtaý tarıfi ózgeretindigi habarlanǵan.