ShQO-daǵy shahtada ústine tas qulaǵan jumysshy kóz jumdy

<p>ÓSKEMEN. KAZINFORM &ndash; Shyǵys Qazaqstan oblysyndaǵy &laquo;Artemev&raquo; shahtasynda ústine tas qulaǵan jumysshy kóz jumdy.</p>

1 qyrkúıekke qaraǵan túni KAZ Minerals kompanııasyna qarasty «Artemev» shahtasynda ústine tas qulap ketken merdiger uıymnyń úńgýshisi qaza boldy.

«Oqıǵanyń mán-jaıy men sebebi anyqtalyp jatyr. Qaıǵyly jaǵdaıdy tergeý boıynsha arnaıy komıssııalar quryldy. KAZ Minerals Toby dırektorlar keńesiniń tóraǵasy Oleg Novachýk tergeýge qatysý úshin sol jerge keldi», - dep habarlady kompanııanyń baspasóz qyzmetinen.

KAZ Minerals Tobynyń basshylyǵy men ujymy marqumdardyń týystary men jaqyndaryna qaıǵyryp, kóńil aıtty. Kompanııa olardyń otbasylaryna jan-jaqty kómek kórsetpek.

Eske salsaq, keshe Shyǵys Qazaqstan oblysyndaǵy «Ertis» shahtasynda 4 adam qaza bolǵany habarlanǵan. 

ShQO ákimi Ermek Kósherbaev «Ertis» shahtasynda qaza bolǵan jumysshylardyń otbasylaryna baryp, kóńil aıtty.