ShQO-daǵy salyq organynyń qyzmetkeri jubaıynyń shaǵymynan keıin kásipkerlerdi zańsyz teksergen
Memlekettik kirister basqarmasy Ulan aýdany turǵyndarynyń shaǵymdary negizinde eki azyq-túlik dúkenine jospardan tys salyq tekserýlerin júrgizgen. Sonyń nátıjesinde menshik ıeleri ruqsatsyz alkogoldik ónimderdi satqany úshin QR ÁQBtK-niń 283-baby boıynsha ákimshilik jaýapkershilikke tartylǵan.
«Alaıda materıaldardy zerdeleý barysynda kásipkerlerdiń alkogol ónimderin satýǵa tıisti lıtsenzııalary bar ekeni, ıaǵnı olarǵa qatysty hattamalardyń zańsyz jasalǵany anyqtaldy. Budan basqa, salyq organynyń tekserý júrgizýine tekserýshiniń óz jubaıynyń shaǵymy negiz bolǵany belgili boldy», - dep habarlady ShQO Prokýratýrasynyń baspasóz qyzmetinen.
Prokýrordyń ótinishhaty boıynsha sot ákimshilik isterdi quqyq buzýshylyq quramynyń bolmaýyna baılanysty toqtatty. Prokýrorlyq qadaǵalaý aktisi boıynsha oblystyq MKD-niń laýazymdy tulǵalary qatań tártiptik jaýapkershilikke tartyldy.