ShQO-daǵy kásiporynnyń 220 jumysshysy jalaqylaryn ala almaı kelgen

<p>ÓSKEMEN. KAZINFORM &ndash; Shyǵys Qazaqstan oblysyndaǵy kásiporyndardyń birinde jalaqylaryn ala almaı kelgen 220 jumysshynyń quqyǵy qorǵaldy.</p>

Rıdder qalasynyń prokýrorlary «Vodokanal» kásipornynyń 220 qyzmetkerine jalaqy tólenbeı kele jatqandyǵyn anyqtaǵan. Kompanııanyń jumysshylarǵa bereshegi - 50 mln teńgeden asyp ketken. 

«Budan bólek, Marqakól aýdanynyń prokýratýrasy «Terekti» kommýnaldyq kásipornynda 16 jumysshy 2 aı boıy jalaqy almaǵanyn, qaryz somasy 5,4 mln teńgeni quraǵanyn anyqtady. Prokýrorlyq qadaǵalaý aktileri boıynsha eki kásiporynda da jalaqy boıynsha bereshek tolyqtaı óteldi. Jumysshylardyń quqyqtary qalpyna keltirilip, kináliler ákimshilik jaýapkershilikke tartyldy», - delingen oblys prokýratýrasy taratqan aqparatta.

Osy rette, ShQO prokýratýrasy jumys berýshilerge Qazaqstan Respýblıkasynyń eńbek zańnamasyn múltiksiz saqtaý qajettigin, ony buzý zańda belgilengen jaýapkershilikke ákep soǵatynyn eske saldy.