ShQO-daǵy kásiporyndarda bıyl 80 jazataıym oqıǵa boldy

<p>ÓSKEMEN. KAZINFORM &mdash; Shyǵys Qazaqstan oblysyndaǵy kásiporyndarda jyl basynan beri 80 jazataıym oqıǵa bolyp, 15 adam kóz jumdy.</p>

ShQO memlekettik eńbek ınspektsııasy basqarmasynyń málimetine súıensek, óńir boıynsha bıyl óndiriste jaraqat alǵandar sany azaıǵan. 

«Jyl basynan beri oblysta 80 jazataıym oqıǵa boldy. Sonyń saldarynan 92 jumysshy zardap shekti. Onyń ishinde, 15 adam ajal qushsa, 47-si aýyr, 30 adam jeńil jaraqat alǵan. Jalpy óndiristik jaraqattaný deńgeıi byltyrǵy jyldyń sáıkes kezeńimen salystyrǵanda 1,1%-ǵa azaıǵan», — delingen aqparatta.

Tekserý qorytyndylarynan keıin polıtsııaǵa kináli adamdardy jaýapqa tartý úshin 80 materıal joldandy. 162 laýazymdy tulǵa tártiptik jáne eki qyzmetker qylmystyq jaýapkershilikke tartylǵan. Sondaı-aq alty qyzmetker jumysynan shettetildi. 

«Búgingi tańda Shyǵys Qazaqstandaǵy 185 kásiporynda eńbek qaýipsizdigi jáne eńbekti qorǵaý boıynsha standarttar engizilgen. Jalpy alǵanda qyzmetkerdi jazataıym oqıǵalardan saqtandyrý maqsatynda jasalǵan sharttary bar kásiporyndardyń jalpy sany 65,1% qurap otyr», — delingen habarlamada.

Eske salsaq, osyǵan deıin ShQO-daǵy kásiporyndardyń jumysshylarǵa qaryzy 60 mln teńgeden asqany habarlanǵan.