ShQO-daǵy kásiporynda kóz jumǵan jumysshynyń otbasyna qarjylaı qoldaý kórsetilmek

<p>ÓSKEMEN. KAZINFORM &ndash; Shyǵys Qazaqstan oblysy Kúrshim aýdanyndaǵy kásiporynda kóz jumǵan jumysshynyń otbasyna qarjylaı qoldaý kórsetiledi.</p>

Keshe Maraldy aýylynda qaýipsizdik tehnıkasynyń saqtalmaýy saldarynan kranshy kóz jumǵan edi.

«Myrzataev» JK jáne «Stroıgrad» JShS merdiger uıymdarynyń basshylyǵy marqumnyń otbasyna qoldaý kórsetpek.

«Kran batyp qalyp, jumysshy býldozer júrgizýshisinen ony súırep shyǵarýdy surady. Býldozer syrǵyp ketip, eki tehnıkanyń arasynda qalyp qoıǵan kranshy sol jerde kóz jumǵan. Tehnıka ıeleri – «Myrzataev» JK jáne «Stroıgrad» JShS merdigerlik uıymdary. Jumysshy 31 jasta bolǵan, artynda úsh balasy qaldy. Merdiger uıymdardyń basshylyǵy marqumnyń týystary men jaqyndaryna kóńil aıtyp, ótemaqy tóleý jáne materıaldyq kómek kórsetý boıynsha mindettemelerdi aldy», - dep habarlady ShQO ákimdiginen.

Qazirgi ýaqytta oqıǵa ornynda eńbek ınspektory jumys isteýde.