ShQO-daǵy qar kóshkini: Qaýipti ýchaskelerge baqylaý jasaldy

<p>Shyǵys Qazaqstan oblysynda qar kóshkini qaýpi bar ýchaskelerge baqylaý júrgizildi, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

ShQO tótenshe jaǵdaılar departamenti baspasóz qyzmetiniń málimetinshe, búginde óńirdiń taýly jerlerinde qar kóshkini qaýpi áli de saqtalyp otyr.

Sondyqtan oblys ákiminiń orynbasary Baqytjan Baıahmetov «Qazseldenqorǵaý» fılıalynyń mamandary jáne TJD bastyǵynyń orynbasary Qýatbek Kenjebekuly Altaı aýdanyna jumys sapary barysynda kóshkin qaýpi bar ýchaskelerge bardy.

Foto: ShQO tótenshe jaǵdaı departamenti

Sondaı-aq sol ýchaskelerdiń biriniń mańynda ornalasqan Zýbovsk kentindegi orta mektepti aralap kórdi.

«Zýbovskaıa taýynda barlyǵy qar kóshkinin jınaqtaıtyn 10 oryn bar. 2013 jyly qar jamylǵysynyń bıiktigi bir metrden asqan kezde qar kóshkini túsken bolatyn. Qar kólemi eki myń tekshe metrden asty. Saıajaı men turǵyn úı men jaryq baǵany búlingen edi. Qar massasy oqý ornynyń qaqpasyna deıin jetti. Oqıǵa bolǵan kezde balalar sabaqta bolǵan. Qýanyshqa oraı, olar zardap shekken joq», — delingen aqparatta.

Óńir ákimdigi 2020 jyly mektep pen kentti qar kóshkininiń túsýinen qorǵaý úshin qar ustaıtyn qalqandardy ornatýǵa qarajat bóldi.

Sodan keıin kóp uzamaı qalqandar qoıylǵan.

Tekserý kezinde Baqytjan Baıahmetov qalqandardyń tıimdiligine taldaý júrgizýdi jáne kóshkinnen qorǵaný ádisterin jetildirý máselesin qaraýdy tapsyrdy.