ShQO-daǵy eki tasjolda búginnen bastap qys sońyna deıin kólik qozǵalysy shekteldi

<p>Shyǵys Qazaqstan oblysyndaǵy eki tasjolda búginnen bastap qys mezgiliniń sońyna deıin kólik qozǵalysy shekteý qoıyldy, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

ShQO Tótenshe jaǵdaılar departamenti baspasóz qyzmetiniń málimetine súıensek, 30 qazannan bastap qys mezgiliniń sońyna deıin respýblıkalyq mańyzy bar «Óskemen-Altaı-Úlken Naryn-Katonqaraǵaı-Rahman qaınary» tasjolynda kólik qozǵalysy shekteldi.

«Atalǵan tasjoldyń 46-66 shaqyrymynda tirkemesi jáne jartylaı tirkemesi bar júk kólikteriniń qozǵalysyna tyıym salyndy. Sondaı-aq búginnen bastap túngi saǵat 21:00-den 06:00-ge deıin oblystyq mańyzdaǵy «Óskemen-Rıdder» tasjolynyń 94-104 shaqyrymynda da dál osyndaı shekteý qoıyldy», - delingen aqparatta.

Osy rette, qutqarýshylar oblys jurtshylyǵyna aýa raıy nasharlaǵan kezde tasjoldarda barynsha abaı bolýǵa shaqyrdy.

«Qaýipsiz jyldamdyqty saqtaýlaryńyzdy jáne QR Jol júrisi qaǵıdalarynyń talaptaryn buzbaýlaryńyzdy suraımyz», - dep eskertti TJD-dan.