ShQO-daǵy aýdandardyń birinde júrgizýshi kýáligin zańsyz alǵan 6 adam anyqtaldy

<p>Shyǵys Qazaqstan oblysy Samar aýdanynda densaýlyǵyna baılanysty kólik tizgindeýine tyıym salynǵan 6 adam júrgizýshi kýáligin zańsyz alǵany anyqtaldy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.&nbsp;</p>

ShQO prokýratýrasy baspasóz qyzmetiniń málimetine súıensek, Samar aýdanynda júrgizilgen tekserý barysynda medıtsınalyq qarsy kórsetilimderine baılanysty kólik júrgizýge tyıym salynǵan adamnyń júrgizýshi kýáligin zańsyz alǵany belgili boldy. 

«Dárigerlik-konsýltatsııalyq komıssııanyń 2023 jylǵy 15 maýsymdaǵy qorytyndysyna sáıkes, er adamnyń kólik tizgindeýge qarsy kórsetilimderi bolǵan. Alaıda ol soǵan qaramastan júrgizýshi kýáligin alǵan. Taǵy 5 adamǵa qatysty osyndaı fakti anyqtaldy. «Jol qozǵalysy týraly» QR Zańynyń 3-baby 3-tarmaǵyna sáıkes, jol júrisi erejeleriniń biri - jol júrisi qatysýshylarynyń, qoǵamnyń jáne memlekettiń múddelerin saqtaý. Osyny eskerip, prokýratýranyń qadaǵalaý aktisi boıynsha polıtsııa sotqa osy adamdardyń kólik quraldaryn basqarý quqyǵyn toqtatý týraly talap aryz berdi», - delingen aqparatta. 

Sot qaraýynyń nátıjesinde 6 adam kólik quraldaryn basqarý quqyǵynan aıyryldy.