ShQO-da jyljymaly keshen dárigerleri túkpirdegi aýyldardyń 3 myńǵa jýyq halqyn qabyldady

ÓSKEMEN. QazAqparat – Shyǵys Qazaqstan oblysyndaǵy jyljymaly medıtsınalyq keshen dárigerleri túkpirdegi aýyldardyń 3 myńǵa jýyq halqyn qabyldady, dep habarlaıdy QazAqparat tilshisi.

Áleýmettik medıtsınalyq saqtandyrý qory ShQO fılıaly baspasóz qyzmetiniń málimetine súıensek, oblys aýmaǵynda jyljymaly medıtsınalyq keshender jumys isteýde.

Sol arqyly shette jatqan aýyldardyń turǵyndaryna jan-jaqty medıtsınalyq kómek kórsetilip jatyr.

Sońǵy ret osyndaı keshen Kúrshim aýdanynda bolyp qaıtty.

Avtobýstyń ishinde eń zamanaýı jabdyqtar bar. Ondaǵy túrli medıtsınalyq mamandar halyqty esh aqysyz qabyldaıdy.

Sol jerde tolyqqandy tekserip, analızder de alady.

«Jyljymaly keshenge kelgender EKG mammografııa, flıýrografııaǵa túsip, gınekologtyń qaraýynan ótip, jalpy qan analızin tapsyra alady. Jyl basynan beri toǵyz eldi mekendi aralap, 3 myńǵa jýyq naýqas qabyldandy. 1300 dıagnostıkalyq zertteý, 2035 zerthanalyq protsedýralar jasaldy. Sonyń nátıjesinde 44 naýqas anyqtalyp, 11 adam dıspanserge jatqyzyldy», - delingen aqparatta.

Eske salsaq, osyǵan deıin «Salamatty Qazaqstan» poıyzynyń dárigerleri Altaı aýdanynyń halqyn qabyldaǵanyn habarlaǵan edik.