ShQO-da jylqyǵa soǵylǵan kólik júrgizýshi aýrýhanaǵa tústi

ÓSKEMEN. QazAqparat – Shyǵys Qazaqstan oblysy Besqaraǵaı aýdanynda kólik tizgindep kele jatyp jylqyǵa soǵylǵan elorda turǵyny aýrýhanaǵa jetkizildi, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, jol-kólik oqıǵasy keshe «Omby-Maıqapshaǵaı» tasjolynyń 659-shy shaqyrymynda, Besqaraǵaı aýylynyń mańynda bolǵan.

Nur-Sultan qalasynyń 37 jastaǵy turǵyny túngi ýaqytta kólik tizgindep kele jatyp, jolǵa atyp shyqqan jylqyǵa soǵyldy.

Jol apaty saldarynan túrli jaraqat alǵan er adam aýrýhanaǵa jatqyzyldy. Atalǵan fakti aýdandyq polıtsııa bóliminde tirkelgen.

«Qazirgi ýaqytta tártip saqshylary jylqy ıesin izdestirip jatyr. Ol aýyl sharýashylyǵy janýarlaryn jaıý erejesin buzǵany úshin QR ÁQBtK-niń 408-babyna sáıkes ákimshilik jaýapkershilikke tartylady», - dep habarlady vedomstvo ókilderi.