ShQO-da jyl basynan beri keden zańnamasyn buzýdyń 22 faktisi tirkeldi

ÓSKEMEN. QazAqparat – Shyǵys Qazaqstan oblysynda bıyl keden zańnamasyn buzýdyń 22 faktisi tirkeldi, dep habarlaıdy QazAqparat tilshisi.

ShQO memlekettik kirister departamentiniń málimetine súıensek, jyl basynan beri 36 kedendik tekserý júrgizilgen.

Sonyń barysynda keden zańnamasyn buzýdyń 22 faktisi anyqtaldy.

Nátıjesinde, 517 myń teńge aıyppul salynyp, 800 myń teńge kóleminde qosymsha kedendik tólem men salyq óndirildi.

Taýar deklaratsııasy boıynsha 31 kedendik tekserý júrgizilip, 20 zańbuzýshylyq tirkelip, 17 ákimshilik is qozǵaldy.

«Sondaı-aq tranzıttik deklaratsııa boıynsha 5 tekserýde 3 zańbuzýshylyq anyqtalǵan. Taýarlardyń jiktelýi men kedendik qunynyń durystyǵyn baqylaýdy taýar shyǵarylǵanǵa deıin de, keıin de keden beketteriniń mamandary júzege asyrady. Basqarma qyzmetkerleri memlekettik qyzmetterdi tolyq kólemde jáne zańnamada belgilengen merzimde kórsetip otyr», - deıdi departamenttiń tarıftik retteý basqarmasynyń basshysy Qazybek Qoıshynov.