ShQO-da jyl basynan beri 300-den astam adam ınternet-alaıaqtardan zardap shekti

ÓSKEMEN. QazAqparat – Shyǵys Qazaqstan oblysynda bıyl 300-den astam adam ınternet-alaıaqtarǵa aldanyp qalǵan, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, óńirde ınternet-alaıaqtardyń arbaýyna túsetinder az emes. Jyl basynan beri zardap shekkenderdiń sany 300-den asyp otyr.

«Alaıaqtar ınternette keńinen tanymal barlyq saıttarda, áleýmettik jelilerde jumys isteıdi. Kóbinese habarlandyrýlar salynatyn saıttarda «qurbandardy» izdeıdi. Sondaı-aq jaqyn týysynyń qıyn jaǵdaıǵa tap bolǵanyn aıtyp habarlasatyndar, ózderin bank qyzmetkeri retinde tanystyratyndar da kóp», - delingen aqparatta.

Internettegi alaıaqtardyń kim ekenin anyqtaý ońaı emes. Sebebi olardyń arasynda Qazaqstanda emes, basqa elde otyrǵandar da bar.

«Anyqtalǵandaı, basqa elden habarlasatyndardyń deni Reseı men Ýkraınadan. Azamattardy barynsha abaı bolýǵa, eshqandaı jaǵdaıda aqshany telefon arqyly salmaýǵa, bank kartasynyń artyndaǵy úsh sandy jáne telefonǵa kelgen kodty aıtpaýǵa shaqyramyz», - delingen aqparatta.