ShQO-da jyl basynan beri 10-nan astam páterdiń balkony órtendi
ShQO Tótenshe jaǵdaılar departamenti baspasóz qyzmetiniń málimetine súıensek, jaz shyqqanda turǵyn úılerdiń balkondary men lodjııalaryndaǵy órt sany arta túsedi. Tilsiz jaýdyń shyǵýyna kóbinese otty abaısyz paıdalaný sebep bolady. Atap aıtqanda, balalardyń otpen oınaýy, sóndirilmegen temeki tuqyly, onyń ishinde joǵary qabattaǵy páter turǵyndary laqtyrǵan shylym jáne elektr jabdyqtarynyń aqaýy.
«Shyǵys Qazaqstanda jyl basynan beri balkondar men lodjııalarda 10-nan astam órt tirkeldi. Sóndirilmegen temeki tuqyly janǵysh materıal betine túskende ol jer 30 mınýtta byqsyp, jalyn shyǵady. 18-20 sekýnd ishinde temperatýrasy 600 gradýstan asatyn sirińke odan da qaýipti», - dep habarlady vedomstvo ókilderi.
TJD dereginshe, balkondaǵy órttiń aldyn alý úshin otty paıdalanǵan kezde barynsha abaı bolyp, balkondy eski jıhazben, makýlatýramen jáne órtenetin basqa zattarmen toltyrmaý qajet. Sondaı-aq páterden shyqqan kezde balkon terezeleri men esikterin árdaıym jaýyp, onyń ishine balalardyń kirýine jol bermeńiz.