ShQO-da júzden asa kásiporyn jumysshylaryna 1,2 mlrd teńge qaryz bolyp qalǵan

ÓSKEMEN. QazAqparat – Shyǵys Qazaqstan oblysynda qyzmetkerlerine jalaqy tólemegen kásiporyndardan 1,2 mlrd teńge óndirildi, dep habarlaıdy QazAqparat tilshisi.

Memlekettik eńbek ınspektsııasy ShQO boıynsha departamentiniń málimetke súıensek, bıyl oblysta azamattardan 1543 ótinish túsken.

Onyń 90 paıyzdan astamy – jalaqy tólenbegenine qatysty shaǵym.

«Ár aryz boıynsha tıisti sharalar qabyldandy. Sonyń nátıjesinde 110 kásiporynnan 1,2 mıllıard teńge óndirildi. Osylaısha 3900-den astam jumysshynyń quqyǵy qorǵalyp otyr», - deıdi departament basshysy Baqytbek Qızatov.

Búgingi tańda bankrottyq satysynda turǵan bir kásiporynnyń jumysshylarǵa qaryzy tolyq ótelmegen. Tólenbegen jalaqynyń qaldyǵy – 30 mln teńge.

«Tekserý nátıjesi boıynsha jyl basynan beri oblys kásiporyndarynda eńbek zańnamasyn buzýdyń 2233 faktisi anyqtaldy. 246 uıǵarym jasalyp, 233 zańdy jáne laýazymdy tulǵa ákimshilik jaýapkershilikke tartyldy. Aıyppuldyń jalpy somasy 45 mıllıon teńgeni qurady», - deıdi B.Qızatov.