ShQO-da JRVI juqtyrǵandar sany kúrt ósti

<p>ÓSKEMEN. KAZINFORM &ndash; Shyǵys Qazaqstan oblysynda jyl basynan beri jiti respıratorlyq vırýstyq ınfektsııa juqtyrǵan adam sany 200 myńnan asyp ketti.&nbsp;</p>

ShQO sanıtarlyq-epıdemıologııalyq baqylaý departamentiniń málimetine súıensek, óńirde JRVI juqtyrǵandar sany kúrt ósken. Osy jyldyń basynan beri 200 803 adam ınfektsııa juqtyrdy. Al tumaýdyń zerthanalyq rastalǵan 228 jaǵdaıy tirkelip otyr.

«Ótken jylǵy sáıkes kezeńde oblys boıynsha JRVI juqtyrǵandar sany - 122 151, tumaýmen aýyrǵandar sany – 43. Demek, JRVI aýrýy 1,74 esege, tumaý 5,6 esege ósken. Dese de aýrýshańdyq kórsetkishi uzaq merzimdi statıstıka negizinde eseptelgen baqylaý deńgeıinen aspaıdy. Jiti respıratorlyq vırýstyq ınfektsııa men tumaýǵa shaldyqqandar kóbeıýiniń sebebi - bıylǵy jyldyń meteorologııalyq jaǵdaılarynyń erekshelikterine baılanysty. Atap aıtqanda, qys pen kúzdiń jyly bolýy, kóktemniń erte bastalýy. Osyndaı kezde aýada vırýs kóp taraıdy», - delingen aqparatta.

Óskemen qalasy JRVI juqtyrǵandar sany boıynsha kósh bastap tur, onda 113 804 (jalpy aýyrǵandar sanynyń 59,9%-y) adam aýyrǵan. Odan keıingi orynda Glýbokoe aýdany (12%) Sodan soń Rıdder qalasy, Shemonaıha men Altaı aýdandarynda vırýs juqtyrǵandar kóp.

Eske salsaq, osyǵan deıin ShQO-da ata-analardyń kóbi balasyna «V» gepatıtine vaktsına saldyrýdan bas tartyp jatatyndyǵy habarlanǵan.