ShQO-da jol apatynan eki adam kóz jumdy
21:30, 04 Jeltoqsan 2023
<p>Shyǵys Qazaqstan oblysyndaǵy Óskemen-Rıdder tasjolynda jol apatynan 2 adam qaza boldy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>
ShQO polıtsııa departamenti baspasóz qyzmetiniń málimetine súıensek, jol-kólik oqıǵasy Óskemen-Rıdder tasjolynyń 34-shaqyrymyndaǵy Glýbokoe aýdanynyń aýmaǵynda bolǵan.
Jeńil kólik pen júk kóligi betpe-bet soqtyǵysty.
Sonyń saldarynan jeńil kóliktiń júrgizýshisi men jolaýshysy sol jerde til tartpaı ketken.
«Qazirgi ýaqytta atalǵan fakti boıynsha QR Qylmystyq Kodeksiniń 345-baby 4-bóligine (Abaısyzda eki nemese odan da kóp adamnyń ólimine ákep soqqan jol qozǵalysy erejelerin buzýy) sáıkes sotqa deıingi tergeý bastaldy. Oqıǵanyń barlyq mán-jaıy anyqtalyp jatyr. Tıisti saraptamalar taǵaıyndalǵan», - dep habarlady vedomstvo ókilderi.