ShQO-da jyl basynan beri túrli oqys oqıǵalardan 235 adam qutqaryldy
ShQO óńirlik kommýnıkatsııalar qyzmetinde ótken brıfıng barysynda oblystyq Tótenshe jaǵdaılar departamentiniń bastyǵy Rashıd Blıalov 9 aıdaǵy qyzmettiń qorytyndysyn jasady.
«Óńir qutqarýshylary 2 831 ret túrli oqys oqıǵalarǵa barǵan. Barlyǵy 235 adamdy qutqaryp, 1 075 adamdy evakýatsııalady. 2023-2024 jylǵy qysqy kezeńde TJD bólimsheleri 18 ret apattyq-qutqarý jumystaryn júrgizdi. Nátıjesinde 90 adam qutqaryldy, onyń ishinde 14-i bala», - dedi ol.
Jaz aılarynda júrgizilgen profılaktıkalyq jumystardyń arqasynda sýǵa batqandar sany ótken jylmen salystyrǵanda 33%-ǵa tómendegen. Departament qyzmetkerleri kúndelikti patrýldeý barysynda 23 adamdy, onyń ishinde 4 balany qutqaryp qalǵan.
«Oblystaǵy dala órtteriniń sany 6 esege azaıyp otyr. Bıylǵy órt qaýpi joǵary kezeńde pılotsyz ushý apparattary men tikushaqtardyń kómegimen áýeden monıtorıng júrgizildi. Ormandy jerlerde zańbuzýshylardy ýaqtyly anyqtaıtyn 52 mobıldi top jumys istedi. 60-tan astam azamat ákimshilik jaýapkershilikke tartyldy», - dedi Rashıd Blıalov.
Aldaǵy qys mezgilinde oblys avtojoldarynda 10 jylytý pýnkti jumys isteıdi. Tótenshe jaǵdaılar bolsa 1 700-den astam qutqarýshy jáne 680-ge jýyq tehnıka saqadaı saı.
Eske salsaq, osyǵan deıin ShQO-da polıtseıler qylmystyq isterdi ýaqtyly qaramaı, burmalap kelgeni habarlanǵan.