ShQO-da jyl basynan beri 100-den astam stıhııalyq qoqys úıindisi joıyldy

<p>ÓSKEMEN. KAZINFORM &ndash; Shyǵys Qazaqstan oblysynda &laquo;Taza Qazaqstan&raquo; aktsııasy aıasynda bıyl 100-den astam stıhııalyq qoqys úıindisi joıyldy. &nbsp;</p>

ShQO polıtsııa departamenti baspasóz qyzmetiniń málimetine súıensek, tártip saqshylary «Taza Qazaqstan» aktsııasy aıasynda tazalyqtyń saqtalýyn qamtamasyz etý úshin qalalar men eldi mekenderge reıdterge shyqty.

«Osylaısha, oblys boıynsha 100-den astam stıhııalyq qoqys úıindisi anyqtalyp, joıyldy. Sonymen qatar abattandyrý erejelerin buzǵany úshin 4 700-ge jýyq adam, onyń ishinde qoǵamdyq oryndardy lastaǵany úshin 1 400-ge jýyq adam ákimshilik jaýapkershilikke tartyldy», - delingen aqparatta.

Reıdter barysynda polıtseıler memlekettik organdarmen birlesip halyqtyń abattandyrý jáne qoqys shyǵarý erejelerin buzýynyń aldyn alý úshin túsindirý jumystaryn júrgizdi.

«Qoqysty ruqsat etilmegen jerlerge tastaý jaǵdaılaryn kórgenderge birden «102» jedel arnasyna habarlasýyn suraımyz. Biz tek birlese áreket etsek aınalamyzdy taza etip, tabıǵatty saqtaı alamyz», - delingen habarlamada.