ShQO-da Jeńis kúnine oraı 17 ardagerge qansha teńgeden beriletini belgili boldy

ÓSKEMEN. QazAqparat – Shyǵys Qazaqstan oblysynda 17 soǵys ardagerine 1,5 mln teńgeden beriledi, dep habarlaıdy QazAqparat tilshisi.

Shyǵys Qazaqstan oblysynda Ekinshi dúnıejúzilik soǵys qatysýshylary men tyl ardagerlerine jyl saıyn Jeńis kúni merekesine oraı áleýmettik kómek beriledi. Bıyl bul maqsatta 532 mln 220 myń teńge qarastyrylǵan. Óńirlik jumyspen qamtý jáne áleýmettik baǵdarlamalardy úılestirý basqarmasynyń málimetine súıensek, bıyl soǵys ardagerleri 1,5 mln teńge alady.

- Ekinshi dúnıejúzilik soǵys qatysýshylary men múgedekterine (17 adam) - 1,5 mln teńgeden, marapattalǵan tyl eńbekkerlerine, qorshaýda qalǵandar, tutqyndar men soǵys ardagerleriniń jesirlerine (429 adam) - 100 myń teńgeden, marapattalmaǵan tyl eńbekkerlerine (6267) - 50 myń teńgeden beriledi, - deıdi basqarma basshysynyń orynbasary Doshan Qaıyrǵazınov.

Aıta keteıik, jalpy oblys boıynsha soǵys ardagerleri atynda 203 kóshe men 16 nysan bar.