ShQO-da jeke kýáligi joq 200-den astam adam anyqtaldy
ShQO Polıtsııa departamenti baspasóz qyzmetiniń málimetine súıensek, ótken jyldyń 24 qyrkúıeginde bastalǵan QR Kóshi-qon komıteti men «Adam quqyǵy jáne zańdylyqty saqtaý jónindegi Qazaqstandyq halyqaralyq bıýrosy» QB ótkizgen qujaty joq azamattardy qujattandyrý (burynǵy SSSR tólqujatyn ýaqtyly aýystyrmaǵandar, týý týraly kýálikpen turyp jatqan 18 jastan asqan tulǵalar) boıynsha aktsııa búgin aıaqtaldy.
«Aktsııa aıasynda óńir boıynsha jeke kýálik jasatpaǵan 231 adam anyqtaldy. Onyń ishinde 209-i qazirgi ýaqytta qujatyn qolyna aldy. Kóp jaǵdaıda bul sanattaǵy tulǵalar, ártúrli sebeptermen qıyn jaǵdaıǵa tap bolyp, qujatynnyń bolmaýyna baılanysty áleýmettik kómekten qaǵylyp, resmı túrde jumysqa turý múmkindikterinen aırylǵandar. Sol sebepti ShQO PD Kóshi-qon qyzmetiniń mamandary olardyń Qazaqstan Respýblıkasy aýmaǵyndaǵy mártebesin retteý maqsatynda jan-jaqty quqyqtyq kómek kórsetýde», - dep habarlady vedomstvo ókilderi.
Departament buǵan deıin áleýmettik jelilerdegi resmı paraqshalar arqyly atalmysh aktsııa týraly halyqty habardar etip, túsindirý jumysyn júrgizdi.