ShQO-da jasóspirimderdiń 98 paıyzy koronavırýsqa qarsy tolyq ekpe aldy
ShQO ákimdiginiń málimetine súıensek, búginde búkil álemde beleń alǵan COVID-19 ınfektsııasynyń jańa shtamynyń saldarynan Qazaqstan aýmaǵynda koronavırýs juqtyrýdyń kezekti tolqyny bastalǵan. Taldaý kórsetkendeı, eldiń barlyq oblystarynda vırýsqa shaldyqqandar sany kúrt ósip otyr. Al bul reıtıngte Shyǵys Qazaqstan eń tómengilerdiń qatarynda.
Statıstıkaǵa sáıkes, 13 qańtarda oblysta 31 adam koronavırýs juqtyrǵan.
Salystyrmaly túrde bul kúni elordada 5,5 myńnan astam adamnan qaýipti dert anyqtalǵan.
ShQO vaktsınatsııa deńgeıi boıynsha respýblıkada óńirler arasynda kósh bastap tur.
«Qazirgi ýaqytta eresekter, balalar men jasóspirimderdiń 98 paıyzy, júkti jáne bala emizetin áıelderdiń 24 paıyzy vırýsqa qarsy tolyqtaı egildi. Alaıda ujymdyq ımmýnıtetti tolyq qalyptastyrý arqyly ǵana qalypty ómirge oralýǵa bolady. Revaktsınatsııa – indetpen kúresýdiń jalǵyz tıimdi ádisi. Memleket tarapynan halyqtyń densaýlyǵyn qorǵaý maqsatynda medıtsınalyq mekemelerdi materıaldyq-tehnıkalyq jaraqtandyrýdy qamtamasyz etý boıynsha barlyq sharalar qabyldandy. Degenmen, óz densaýlyǵyn qorǵaý árbir azamattyń jeke jaýapkershiligi ekendigin umytpaıyq», - dedi Danıal Ahmetov.
Óz sózinde ol barsha shyǵysqazaqstandyqtardy sanıtarlyq normalardy qatań saqtap, revaktsınatsııadan ótýge shaqyrdy.
«Tek bizdiń birligimiz ben jaýapkershiligimiz koronavırýsqa qarsy turýǵa kómektesedi. Ózińizdi jáne jaqyndaryńyzdy vırýstan qorǵańyz», - dedi aımaq basshysy.