ShQO-da jasóspirim tanysynyń atynan 2 mln teńge nesıe alǵan

ÓSKEMEN. QazAqparat – Shyǵys Qazaqstan oblysynda tanysynyń atynan 2 mln teńge nesıe alǵan17 jastaǵy jasóspirimge qatysty qylmystyq is qozǵaldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, «102» jedel arnasyna qońyraý shalǵan azamat belgisiz bireýdiń óz atyna nesıe resimdegendigin jetkizdi.

«Belgili bolǵandaı, Rıdder qalasynyń 17 jastaǵy turǵyny Altaı aýdanyndaǵy Serebrıansk shaharyna tanysynyń úıine qonaqqa kelgen. Sol kezde jasóspirim jábirlenýshiniń telefonyna bankterdiń biriniń mobıldi qosymshasyn ornatyp beredi. Keıin arada birneshe kún ótkende shuǵyl aqsha qajet bolǵan kezde ol tanysynyń jeke derekterin paıdalanyp, 2 mln teńge nesıe alǵan. Sodan soń qarajatty óz shotyna aýdarǵan», - dedi oblystyq PD bastyǵynyń orynbasary Talǵat Shaıahmetov.

Qazirgi ýaqytqa polıtseıler kúdiktini qolǵa túsirdi. Alaıaq qarajatty qumar oıyndarǵa salyp utylyp qalǵanyn alǵa tartty. Atalǵan fakti boıynsha QR QK-niń 190-baby 1-bóligine (Alaıaqtyq) sáıkes sotqa deıingi tergeý amaldary júrgizilýde.