ShQO-da jartastyń arasyna keptelip qalǵan bala qutqaryldy
15:51, 17 Mamyr 2021
NUR-SÚLTAN. QazAqparat - Shyǵys Qazaqstan oblysy Glýbokoe kentinde 12 jasar bala jastatyń arasyna keptelip qalǵan. Bul týraly oblystyq TJD baspasóz qyzmeti habarlaıdy.
«Glýbokoe kentindegi Altynsarın kóshesi mańyndaǵy jartastardyń arasynda qystyrylyp qalǵan bala ol jerde jalǵyz oınap júrgen. 12 jasar bala ózdiginen shyǵa almaǵan soń ótip bara jatqan adamdardan kómek surap, aıǵaı saldy. Kýágerler qutqarýshylardy shaqyrdy. 23-ÓSB qyzmetkerleri qutqarý arqanynyń kómegimen qystyrylyp qalǵan adamdy alyp shyqty» delingen habarlamada.
Bala jaraqat almaǵan, din aman.
ShQO TJD ata-analarǵa balalardy jalǵyz qaldyrmaý, olarǵa kóshede jáne tabıǵatta bolatyn qaýip týraly túsindirý keregin eske salady.