ShQO-da jarylǵysh zattar shyǵarǵan kompanııanyń jumysy toqtatylyp, 121 mln tenge aıyppul salyndy

<p>ÓSKEMEN. KAZINFORM &ndash; Shyǵys Qazaqstan oblysynda jarylǵysh zattar shyǵarǵan kompanııanyń jumysy toqtatylyp, 121 mln tenge aıyppul salyndy.</p>

ShQO ekologııa departamentiniń mamandary Glýbokoe aýdany Beloýsovka kentinde jarylǵysh zattar shyǵarýmen aınalysqan JShS-ǵa jospardan tys tekserý júrgizdi.

«Anyqtalǵandaı, jarylǵysh zattar jasaýǵa qajetti ekologııalyq ruqsat qaǵazdaryn almaǵan. Bul Ekologııalyq kodekstiń 106-babyna qaıshy. Zań boıynsha bul bapty buzǵandardyń qyzmeti 3 jylǵa deıingi merzimge toqtatylady», - dep habarlady departamenttiń baspasóz qyzmetinen.

Kompanııa basshylyǵy ekologııa departamenti ınspektorlarynyń tekserý nátıjelerimen kelispeı, sotqa shaǵym túsirdi. Dese de Shyǵys Qazaqstan oblystyq soty sot alqasynyń sheshimimen departament qyzmetkerleriniń áreketi zańdy dep tanylǵan.

«Anyqtalǵan zańbuzýshylyqtar úshin kompanııaǵa 121 mln teńgeden astam somaǵa ákimshilik aıyppul salyndy. Sonymen qatar JShS qyzmeti úsh jylǵa toqtatyldy», - delingen aqparatta.