ShQO-da jappaı tártipsizdik kezinde jaraqat alǵan 7 áskerı qaıta sapqa turdy

ÓSKEMEN. QazAqparat – Shyǵys Qazaqstan oblysynda jappaı tártipsizdik kezinde jaraqat alǵan 7 áskerı qaıta sapqa turdy, dep habarlaıdy QazAqparat tilshisi.

QR Ulttyq ulany «Shyǵys» óńirlik qolbasshylyǵyna qarasty áskerı bólimder boıynsha jalpy sany 19 jaýynger jappaı tártipsizdikter kezinde jaraqat alǵan.

«Onyń 11-i Semeıdegi 5511 áskerı bólimde, 7-si Óskemendegi 6699 áskerı bólimde jáne bireýi osy qaladaǵy 3477 áskerı bólimde qyzmet etedi. Qazirgi tańda jaralanǵan áskerılerdiń jeteýi qaıta sapqa turyp, jaýyngerlik qyzmetine kiristi. Qalǵany túrli em-dom qabyldap jatyr», - dep habarlady óńirlik qolbasshylyqtyń baspasóz qyzmeti.

Esterińizge sala ketsek, osyǵan deıin Shyǵys Qazaqstan oblysynda elde bolǵan búlik kezinde 70-ke jýyq áskerı qyzmetkerdiń zardap shekkeni habarlanǵan.