ShQO-da janarmaı stansasyndaǵy jarylystan shyqqan órt sóndirildi

ShEMONAIHA. QazAqparat - Shyǵys Qazaqstan oblysynyń Shemonaıha qalasyndaǵy jarylystan bolǵan órt sóndirildi, dep habarlaıdy QazAqparat.

Tótenshe jaǵdaılar mınıstrliginen jetken málimetke sensek, ot 16 saǵat 16 mınýtta sóndirilgen.

Aldyn ala boljam boıynsha, qyzyl jalyn sharpyǵan aýmaq - 80 sharshy metr.

1974 jáne 1975 jyly týǵan eki adamdy termııalyq kúıik shaldy. Olar osy stansada jumys isteıdi.

Qyzmetkerler qazir aýrýhanada jatyr.

Eske sala keteıik, buǵan deıin ShQO-da janarmaı stansasynda jarylys bolǵanyn habarlaǵan edik.

Búgin, 22 maýsymda Shemonaıha qalasy Ýkraınskaıa kóshesindegi gaz ballondaryna janarmaı quıý stantsııasyndaǵy jarylystyń arty órtke ulasyp, 5 tehnıka órtenip ketti.

Saǵat 14:44-te jalyn oqshaýlandy.