ShQO-da jańadan qurylǵan Samar aýdanynyń týrıstik áleýeti zor
Bul týraly aýdan ákimi Radjan Seıtqanov «Memleket basshysynyń tapsyrmalary sheńberinde Samar aýdanynyń áleýmettik-ekonomıkalyq damýy» taqyrybynda ótken baspasóz konferentsııasynda málim etti.
«Aımaq basshysy Danıal Ahmetovtyń tikeleı tapsyrmasymen aýdanda týrızmdi damytýdyń arnaıy jospary ázirlengen. Onyń ishinde jańa jaǵajaılar salý da kózdelgen. Sońǵy eki jylda Buqtyrma sý qoımasynyń jaǵalaýyndaǵy Sarybel, Novostroıka aýyldaryna baratyn týrıster sany birshama artty. Jergilikti kásipkerler de týrızmniń damýyna óz úlesterin qosyp, sol jerlerge demalýshylarǵa arnalǵan 400-ge jýyq úı saldy», - deıdi ol.
Bıyl týrısterge jaıly jaǵdaı jasaý maqsatynda Sarybel aýyldyq okrýgine kireberistegi 3 shaqyrym jol ortasha jóndeýden ótken. Bul úshin «Aýyl – el besigi» baǵdarlamasy sheńberinde respýblıkalyq bıýdjetten 90 mln teńge bólingen.
«Kelesi jyly Novostroıka aýylyna kireberistegi 3 shaqyrym joldy da jóndeýdi josparlap otyrmyz. Jalpy qazirgi ýaqytta aýdan boıynsha 5257 tósek-oryndy qamtıtyn 1074 demalys úıi bar», - deıdi Radjan Seıtqanov.