ShQO-da jańadan qurylǵan Úlken Naryn aýdanynyń ákimi taǵaıyndaldy

<p>ÓSKEMEN. KAZINFORM — Shyǵys Qazaqstan oblysy Úlken Naryn aýdanynyń ákimi bolyp Eldos Baırahmetov taǵaıyndaldy.</p>

Eldos Janbolatuly 1990 jyly Úlken Naryn aýdany Balǵyn aýylynda dúnıege kelgen. Qazaq gýmanıtarlyq-zań ınnovatsııalyq ýnıversıtetin «Informatıka jáne baǵdarlamalyq qamtamasyz etý» mamandyǵy boıynsha támámdaǵan.

Foto: ShQO ákimdiginen

Eńbek jolyn 2011 jyly «Qazaqtelekom» AQ-da operator bolyp bastady. 2012-2013 jyldary «Qazaqtelekom» AQ-da tehnık, ınjener-konstrýktor bolyp jumys istedi.

2016-2018 jyldar aralyǵynda «Astanatelekom» mekemesinde ártúrli laýazymdarda jumys istegen.

2019-2021 jyldary «Ertis» ÁKK» AQ Basqarma tóraǵasynyń orynbasary laýazymyn atqardy.

2021-2022 jyldary Máskeý qalasyndaǵy Eýrazııalyq ekonomıkalyq komıssııanyń ekonomıka jáne qarjy saıasaty jónindegi alqa múshesiniń keńesshisi, kómekshisi boldy.

2022-2023 jyldary Shyǵys Qazaqstan oblysynyń Qarjy basqarmasy basshysynyń orynbasary bolyp qyzmet etti.

2023-2024 jyldary Shyǵys Qazaqstan oblysynyń Kásipkerlik jáne ındýstrıaldy-ınnovatsııalyq damý basqarmasynyń basshysy bolǵan.