ShQO-da jalǵyzbasty ana esirtki tasymalymen aınalysqan
ShQO Polıtsııa departamenti baspasóz qyzmetiniń málimetine súıensek, tártip saqshylary esirtki aınalymyna tosqaýyl qoıý maqsatynda arnaıy operatsııa júrgizdi. Petropavl qalasynan kelgen eki áıel Telegram messendjeri arqyly «jyldamdyq» jáne «mef» dep atalatyn júıkege áser etetin zattardyń tasymalymen aınalysqan.
«Áıelderdiń biri 8 jáne 6 jastaǵy eki bala tárbıelep otyrǵan jalǵyzbasty ana. Ol óńir aýmaǵyna maýsym aıynda kelgen. Biraz ýaqyttan keıin onyń apaıy da qylmystyq iske aralasty.
Páterdi tintý barysynda 2 myńnan astam bir rettik doza, 700 gramm sıntetıka esirtki tárkilendi. Onyń «qara naryqtaǵy» baǵasy 11 mln teńgeden asady», - dedi departament bastyǵynyń orynbasary Talǵat Shaıahmetov.
Qazirgi ýaqytta kúdiktilerge qatysty QR QK-niń 296 jáne 297-baptary boıynsha sotqa deıingi tergeý amaldary júrgizilip jatyr.