ShQO-da jalǵan vaktsına pasportyn qoldanǵan adamǵa qatysty is qozǵaldy

ÓSKEMEN. QazAqparat – Shyǵys Qazaqstan oblysy Borodýlıha aýdanynda jalǵan vaktsına pasportyn qoldanǵan adamǵa qatysty is qozǵaldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, aýdandyq PB qyzmetkerleri COVID-19 ınfektsııasyna qarsy ekpe alǵandyǵy týraly jalǵan elektrondy pasportty paıdalaný faktisin anyqtady.

«Tártip saqshylary jedel-izdestirý sharalary barysynda 29 jastaǵy aýdan turǵynyn ustady. Jalǵan vaktsına pasportyn qoldanǵany úshin oǵan qatysty qylmystyq is qozǵaldy», - dedi oblystyq PD bastyǵy Saǵat Mádıev.

Qazirgi ýaqytta QR QK-niń 385-baby 3-bóligine sáıkes sotqa deıingi tergeý amaldary júrgizilip jatyr. Azamat qyryq táýlikke deıingi merzimge qamaýǵa alynýy múmkin.