ShQO-da zańsyz jumys istegen mıgranttar elden shyǵaryldy
ShQO polıtsııa departamenti baspasóz qyzmetiniń málimetine súıensek, kóshi-qon qyzmetiniń mamandary el aýmaǵyna kelgen sheteldik azamattardyń mekenjaılaryn, olardy qabyldaýshy adamdardyń tıisti organdarǵa habarlap otyrýlaryn turaqty túrde tekserýde.
«Sonyń nátıjesinde, ýákiletti organnyń ruqsatynsyz óńirde jumys istegen Ózbekstan Respýblıkasynyń 5 azamaty anyqtaldy. Olar sot sheshimimen Qazaqstan aýmaǵynan shyǵarylǵan. Qoldanystaǵy zańnamaǵa sáıkes endi atalǵan sheteldikterge elge kirýge 5 jyl boıyna tyıym salyndy», - dedi oblystyq PD Kóshi-qon qyzmeti basqarmasynyń bastyǵy Maksım Pýpkov.
Sondaı-aq sheteldikterdi jumysqa zańsyz tartqany úshin jumys berýshini QR ÁQBtK 519-baby boıynsha ákimshilik jaýapkershilikke tartý maqsatynda tıisti materıaldar Shyǵys Qazaqstan oblysynyń Memlekettik eńbek ınspektsııasy basqarmasyna joldandy.
Osy rette, kóshi-qon qyzmeti aımaq jurtshylyǵyna ýákiletti organnyń ruqsatynsyz Qazaqstan Respýblıkasyna ýaqytsha kelgen sheteldik azamattardy jumysqa alýǵa tyıym salynǵanyn eskertedi.