ShQO-da zańsyz saqtalǵan 30-dan astam qarý tárkilendi
ShQO Polıtsııa departamenti baspasóz qyzmetiniń málimetine súıensek, tártip saqshylary óńir aýmaǵynda «Quqyqtyq tártip» jedel-aldyn alý sharasyn júrgizýde. Sonyń aıasynda óńir turǵyndarynan zańsyz saqtalǵan 31 qarý tárkilendi.
«Máselen, Óskemende 28 jastaǵy azamattyń úıin tekserý barysynda jatyn bólmedegi shkaftyń astyna jasyrylǵan qarý tabyldy. Sarapshynyń qorytyndysyna sáıkes, bul – tegis uńǵyly ańshylyq myltyǵy. 28 kalıbrli patrondarmen atatyn qarý ishki ister organdarynyń esebinde joq bolyp shyqty», - dep habarlady vedomstvo ókilderi.
Atalǵan fakti boıynsha QR QK-niń 287 baby 3-bóligine (Atys qarýyn, oq-dárilerdi, jarylǵysh zattardy zańsyz ıemdený, berý, ótkizý, saqtaý, tasymaldaý nemese alyp júrý) sáıkes sotqa deıingi tergeý amaldary júrgizilýde. Osy baptyń sanktsııasynda 5 jylǵa deıingi merzimge bas bostandyǵynan aıyrý jazasy kózdelgen.