ShQO-da zańsyz jumys istep júrgen 12 Qytaı azamaty elden shyǵaryldy

<p>ÓSKEMEN. KAZINFORM &ndash; Shyǵys Qazaqstan oblysy Kúrshim aýdanynda zańsyz jumys istep júrgen 12 Qytaı azamaty anyqtaldy. Sot sheshimimen olar elden shyǵaryldy.</p>

ShQO soty baspasóz qyzmetiniń málimetine súıensek, Kúrshim aýdandyq sotynda QHR azamattaryna qatysty QR ÁQBtK-niń 517-baby 5-bóligimen ákimshilik is qaraldy. 

Belgili bolǵandaı, olar jumysqa turǵanda tıisti ruqsat qaǵazdaryn almaı, kóshi-qon salasyndaǵy zańnama talaptaryn buzǵan. Sot barysynda olar óz kinálaryn tolyqtaı moıyndady. 

«Sot sheshimimen 12 Qytaı azamaty kináli dep tanylyp, Qazaqstan Respýblıkasy aýmaǵynan shyǵarylyp jiberildi. Qaýly tolyqtaı zańdy kúshine endi», - delingen aqparatta. 

Eske salsaq, osyǵan deıin Óskemende júrgizýshi kýáligine emtıhan tapsyrǵandardan 40 mln teńge syıaqy alǵan HQO qyzmetkerleri sottalǵany habarlanǵan.