ShQO-da zań buzǵan 21 qurylys kompanııasy jaýapqa tartyldy

<p>ÓSKEMEN. KAZINFORM &ndash; Shyǵys Qazaqstan oblysynda zań talaptaryn buzǵan 21 qurylys kompanııasy ákimshilik jaýapkershilikke tartyldy.&nbsp;&nbsp;</p>

ShQO memlekettik sáýlet-qurylys ınspektsııasy bóliminiń málimetine súıensek, óńir boıynsha 21 qurylys kompanııasy jaýapqa tartyldy. Olar «Arhıtektýra, qala qurylysy jáne qurylys qyzmeti týraly» zań talaptaryn buzǵan.

«Óskemende qazirgi tańda 57 kópqabatty turǵyn úı salynyp jatyr. Onyń ishinde 12-si bıýdjet qarajatynan, al 45-i kommertsııalyq negizde. Alaıda tekseris barysynda 7 turǵyn úı kesheniniń qurylysqa qajetti qujattary tolyq emestigi anyqtaldy», - delingen aqparatta.

Qujattardy durys rásimdemegen kompanııalar tizimi kelesideı:

1. «Astoria» turǵyn úı kesheni, merdiger - «Deıneka» JShS;

2. «Shańyraq» turǵyn úı kesheni, merdiger - «Shańyrak El» JShS;

3. «Asyl Tau» turǵyn úı kesheni, merdiger - «Orda Treıdıng» JShS;

4. «MUZ TAU» turǵyn úı kesheni, merdiger - «Premıým Stroı NS» JShS;

5. «Krilova» turǵyn úı kesheni, merdiger - «Shelıngovskıı Maksım» JShS;

6. «Emeralds» turǵyn úı kesheni, merdiger - «Royal Finance group» JShS;

7. Sol jaq jaǵalaý, 85-shi nysan, merdiger - «Tehnologııa komforta» JShS.

«Anyqtalǵan zańbuzýshylyqtarǵa baılanysty, turǵyndarǵa kelisimshartqa qol qoımas buryn barlyq qajetti qujatty muqııat tekserýdi eskertemiz. Ol úshin «Qazaqstan turǵyn úı kompanııasy» AQ-nyń portalyndaǵy (homeportal.kz) aqparatty paıdalanýǵa bolady. Onda kompanııalardyń qurylysqa qatysty ruqsat qujattarynyń bar-joǵy týraly málimetter jarııalanǵan», - delingen habarlamada.

ShQO-da memlekettik qyzmetker ákimdi sotqa bergenin jazǵan bolatynbyz.