ShQO-da uıymdasqan top kásiporynnyń múlkin urlaýmen aınalysyp kelgen, shyǵyn 500 mln teńgeni qurady
10:36, 13 Qyrkúıek 2023
ASTANA. QazAqparat - Uıymdasqan qylmysqa qarsy kúres basqarmasynyń qyzmetkerleri 2 jyldan astam ýaqyt oblys kásiporyndarynyń biriniń taýarlyq-materıaldyq qundylyqtaryn urlaýmen aınalysqan qylmystyq toptyń is-árketine tosqaýyl qoıdy.
Shyǵyn 500 mıllıon teńgeden asady, dep habarlaıdy QazAqparat Polisia.kz saıtyna silteme jasap.
Sotqa deıingi tergep-tekserý barysynda polıtsııa qyzmetkerleri 20-dan astam tintý is-sharalaryn júrgizdi, onyń barysynda zattaı dálelder tárkilendi. Qajetti sot saraptamalary taǵaıyndaldy.
Negizgi kúdiktiler, qylmystyq toptyń uıymdastyrýshysy men belsendi qatysýshylary sottyń sanktsııasymen qamaýǵa alyndy.