ShQO-da Úıdene ózeniniń deńgeıi kóterilip, kópirdi sý shaıyp ketti

<p>ÓSKEMEN. KAZINFORM &ndash; Shyǵys Qazaqstan oblysy Zaısan aýdanynda Úıdene ózeniniń deńgeıi kóterilip, kópirdi sý shaıyp ketti.</p>

ShQO ákimi baspasóz qyzmetiniń málimetine súıensek, tolassyz jaýǵan jańbyr jáne taýdaǵy erigen qar sýynyń saldarynan Úıdene ózeniniń deńgeıi kóterilgen. 

«Zaısan aýdany «Jarsý-Baqasý» aýyldarynyń aralyǵyndaǵy aýdandyq mańyzy bar avtomobıl jolyndaǵy kópirdiń shetki bóligin sý shaıyp ketti. Jol jıegin qaıta qalpyna keltirý jumystary búgin tańǵy ýaqytta bastaldy», - delingen aqparatta. 

Kólik qozǵalysyna shekteý qoıylmady. Jol boıynda kezekshilik uıymdastyrylǵan. 

Eske salsaq, osy aıdyń basynda ShQO-da kóshkin qaýpi seıilip, halyqqa taýǵa barýǵa ruqsat etilgen bolatyn.