ShQO-da úsh aıda 41 myńnan astam adam ákimshilik jaýapkershilikke tartyldy
ShQO Polıtsııa departamenti baspasóz qyzmetiniń málimetine súıensek, tártip saqshylary óńir aýmaǵynda «Ýchaske» jedel aldyn alý sharasyn ótkizgen.
Sonyń aıasynda polıtseıler 310 933 páterdi, 232 623 jer úı men 51 594 saıajaıdy aralap shyqty. Esepke alynǵan 46 104 adam turǵylyqty jeri boıynsha tekserildi.
«Ár túrli quqyq buzýshylyq jasaǵan 41 000-nan astam adam ákimshilik jaýapkershilikke tartylǵan. Budan bólek, azamattyq qarýdyń 13 000-nan astam ıesi tekserilip, qarýdy saqtaý sharttary men tirkeý merzimderin buzýdyń 210 faktisi anyqtaldy. Zańsyz aınalymnan 42 qarý tárkilengen», - dedi ShQO PD bastyǵy Saǵat Madıev.
Sonymen qatar 1300-den astam kámeletke tolmaǵan bala ustaldy. Onyń 111-i alkogoldi ishimdikter ishkeni jáne qoǵamdyq orynda mas kúıde júrgen, 82-i zańsyz ókilderinsiz túngi ýaqytta oıyn-saýyq ortalyqtaryna barǵan, 225-i qoǵamdyq tártipti buzǵan.