ShQO-da ulyn myltyqpen atyp óltirip alǵan áke ózine qol jumsady
12:02, 19 Jeltoqsan 2022
ÓSKEMEN. QazAqparat - ShQO-da ákesi men ulynyń óli denesi óz úıinen tabyldy, dep habarlaıdy Polisia.kz.
Shyǵys Qazaqstan oblysy polıtsııa departamenti 17 jeltoqsanda Qatonqaraǵaı aýdany Qabyrǵa aýylyndaǵy úıden eki adamnyń denesin tapqan.
Olar - zorlyqpen óltirilgen 59 jáne 29 jastaǵy eki er adam.
Atalǵan fakti boıynsha QR QK 105-baby (ózin-ózi óltirýge deıin jetkizý) jáne 99-baby (adam óltirý) baptary boıynsha sotqa deıingi tergeý bastalǵan.
Aldyn ala boljam boıynsha ákesi ulyna tirkelgen ańshylyq myltyqtan oq atyp, ulyn jaralaǵan.
Uly sol jerde qaıtys bolǵan, sodan keıin ákesi ózine qol jumsaǵan.
Qazirgi ýaqytta tergeý júrip jatyr. Sot saraptamasy taǵaıyndaldy.
«Qylmystyq-protsestik kodekstiń 201-baby 1- bóligine sáıkes sotqa deıingi tergeýdiń derekteri jarııalanbaıdy» dep málim etti polıtsııa.