ShQO-da túınememen kómilgen maldardyń 276 qorymy baqylaýǵa alyndy

ÓSKEMEN. QazAqparat - Óskemende ótken veterınarlyq qyzmettiń jumysy jaıly jınalysqa memlekettik organ salalary, ákimdikter, Shyǵys Qazaqstan oblysynyń malshy-fermerleri qatysty, olar eksporttyq áleýetti damytý men azyq-túlik qaýipsizdigi máselesin talqylady, dep habarlaıdy «QazAqparat» HAA tilshisi.

Basqarma basshysy Asqar Jaqypbaev aýylsharýashylyq janýarlarynyń sońǵy úsh jylda brýtsellezben, aýsyl, qutyrý jáne túınememen aýrýynyń tolyq málimetin usynyp, aýylsharýashylyq janýarlaryn vaktsınalaý men sáıkestendirý jaıly kólemdi derekter bazasyn jiliktep berdi.

 

Maldy profılaktıkalyq vaktsınalaýǵa bólingen 1, 3 mlrd. teńge tolyq ıgerildi. Ótken jyldyń basynan beri 20,5 mln. bas mal sáıkestendirildi. Brýtsellezge ushyraǵan aýylsharýashylyq maly erekshe nazarǵa alynǵan - barlyq keshendi sharalardyń arqasynda brýtsellezge ushyraý paıyzy (2014 jylmen salystyrǵanda) - 0, 3%, usaq mal arasynda 0, 7% deıin azaıǵan.

Adamdardyń brýtsellezben aýyrýy (2015 jylmen salystyrǵanda) 9 jaǵdaıǵa deıin azaıdy.

 

Ótken jyly túıneme boıynsha vaktsınalaý tolyq kólemde júrgizildi. Qalalar men aýdandardyń veterınarlyq qyzmetteri túınememen kómilgen maldardyń 276 qorymy baryn anyqtady jáne olar baqylaýǵa alyndy.