ShQO-da túrmege dron arqyly esirtki kirgizilmek bolǵan

ÓSKEMEN. QazAqparat – Shyǵys Qazaqstan oblysynda túrmege dron arqyly esirtki kirgizilmek bolǵan, dep habarlaıdy QazAqparat tilshisi.

ShQO boıynsha Qylmystyq atqarý júıesi departamenti baspasóz qyzmetiniń málimetine súıensek, OV 156/20 túzetý mekemesiniń qyzmetkerleri smartfondar jáne skotchpen oralǵan túıinshek salynǵan drondy tapqan.

Dron kolonııa mańyndaǵy bos turǵan eski ǵımarattyń ishinen tabyldy. Belgili bolǵandaı, kim ekenderi áli anyqtalmaǵan tártip buzýshylar osy ǵımaratqa tyǵylyp, túrme aýmaǵyna dronnyń kómegimen tyıym salynǵan zattardy tastaýǵa daıyndalǵan. Alaıda qyzmetkerlerdi baıqaǵan olar óz apparattaryn alýǵa úlgermeı qashyp ketti.

«Atalǵan fakti boıynsha Óskemen qalalyq polıtsııa basqarmasynyń jedel-tergeý toby shaqyryldy. Túıinshekti ashý kezinde esirtkige uqsas zat shyqty. Sondaı-aq eki smartfon jáne basqarý pýlti bar dron tabyldy. Qazirgi ýaqytta tıisti saraptama taǵaıyndalǵan», - deıdi departamenttiń resmı ókili Saltanat Ojıkanova.