ShQO-da túrme qyzmetkerleri kontslagerdiń burynǵy tutqynyn merekemen quttyqtady

ÓSKEMEN. QazAqparat – Shyǵys Qazaqstan oblysynda túrme qyzmetkerleri kontslagerdiń burynǵy tutqynyn merekemen quttyqtady, dep habarlaıdy QazAqparat tilshisi.

ShQO boıynsha QAJ departamenti baspasóz qyzmetiniń málimetine súıensek, OV 156/6 mekemesiniń qyzmetkerleri kontslagerdiń burynǵy tutqyny Leonıd Sımakovty Jeńis kúnimen quttyqtady.

Leonıd Vasılevıch túzetý mekemesindegi murajaıǵa kelip, jas qyzmetkerlerge óziniń basynan keshkenin aıtyp berdi.

Ol Vıtebsk oblysynda muǵalimder otbasynda dúnıege kelgen. Soǵys bastalǵan kezde nebári 4 jasta bolǵan.

«Soǵys kezinde meni anam, ápkem jáne eki aǵammen birge Germanııaǵa aparyp, tutqyndarǵa arnalǵan eńbek lagerine qama dy. Ol jerde 2 jyl turyp, 1945 jyldyń sáýirinde bosatyldyq. 1941 jyly tamyzda fashıster meniń ákemdi atyp óltirdi. Anam tórt balamen qaldy. Sodan keıin gıtlershilder meniń ápkem Marııanyń partızan otrıadynda ekenin bilip qoıdy. Fashıster anamdy aıaýsyz uryp-soǵyp, azaptady. Áreń tiri qalǵan ol tutqynnan bosatylǵannan keıin aýrýhanaǵa tústi. Biraq kórgen azabynyń saldarynan densaýlyǵy qalpyna kelmeı 1946 jyly qaıtys boldy», - dep eske alady Leonıd Sımakov.

Leonıd Vasılevıch 1955 jyly Qazaqstanǵa tyń ıgerý úshin kelgenin aıtty. 1972 jyly Shyǵys Qazaqstanǵa qonys aýdarǵan.

Shemonaıha qalasynda OV 156/6 mekemesine ornalasyp, onda tseh tehnology, sodan keıin AIO bastyǵy bolyp jumys istedi. 1993 jyly zeınetke shyqqan.