ÓSKEMEN. QazAqparat – Shyǵys Qazaqstan oblysynda tótenshe jaǵdaı talabyn buzǵan 341 adam jaýapqa tartyldy, dep habarlaıdy QazAqparat tilshisi.
«Sońǵy táýlik ishinde oblysta «102» arnasyna 592 ótinish túsip, olardyń barlyǵy boıynsha jumys júrgizildi. Taldaýǵa sáıkes, ótinishter sanynyń ósýi baıqalǵan joq. Bir kúnde 16 qylmys jasalyp, onyń 12-si ashyldy», - delingen aqparatta.
Osy jyldyń 5 qańtarynan bastap tótenshe jaǵdaı talabyn buzǵan 406 adam anyqtalyp, onyń ishinde 341-i QR ÁQBtK-niń 478-babyna sáıkes ákimshilik jaýapqa tartyldy. 13 qańtar kúni osy bap boıynsha 31 hattama toltyrylǵan. Qylmystyq ister boıynsha ustalǵandar sany 94 adamdy quraıdy. Sotqa deıingi tergeý amaldary jalǵasýda.
Talǵatjan Muhametbekuly
Óskemendegi S.Amanjolov atyndaǵy ShQÝ-dy "Jýrnalıstıka" mamandyǵy boıynsha támamdaǵan. Eńbek jolyn 2015 jyly ShQO "Aldaspan" gazetinde tilshi bolyp bastady. ShQO "Meniń ólkem" gazetinde tilshi, respýblıkalyq "Jas qazaq", "Zań" gazetterinde Shyǵys Qazaqstan oblysy boıynsha menshikti tilshi, ShQO "Meniń ólkem" gazetiniń bas redaktory qyzmetterin atqarǵan. Kazinform agenttiginde 2021 jyldan beri jumys istep keledi.