ShQO-da tesilgen qubyr jóndelip, aýyldarǵa qaıta gaz berile bastady

<p>Shyǵys Qazaqstan oblysy Zaısan aýdanynda tesilip qalǵan gaz qubyry jóndelip, aýyldarǵa qaıta gaz berile bastady, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Zaısan aýdany ákimdiginiń málimetine súıensek, qazirgi ýaqytta Aınabulaq aýylynyń mańynda tesilip qalǵan gaz qubyry jóndeldi.

«Oqıǵa ornyna aýdan ákimi Aelıta Ahmetsálámqyzy baryp, jedel qyzmetter «QazTransGazAımaq» AQ aýdandyq fılıalynyń mamandary qubyrdy qalpyna keltirdi. Jambyl, Kógedaı, Shalqar, Qaratal, Úlken Qaratal aýyldaryna qaıta gaz berile bastady», - delingen aqparatta.

Eske salsaq, 30 qazan kúni keshki ýaqytta Zaısan aýdanyndaǵy Aınabulaq aýylynyń mańynda gaz qubyry tesilgen bolatyn.

Sonyń saldarynan 5 aýyldaǵy 860-tan astam abonent kógildir otynsyz qalǵan edi.