ShQO-da tekserilgen 483 myń jer úıdiń teń jartysynda peshte aqaý bolǵan
Bul jaıly oblysy ákiminiń orynbasary Baqytjan Baıahmetovtyń tóraǵalyǵymen ótken tótenshe jaǵdaılardyń aldyn alý jáne joıý jónindegi komıssııanyń otyrysynda aıtyldy.
«Byltyrǵy órt qaýpi joǵary kezeńde TJD mamandary keń aýqymdy jumys júrgizgen. Atap aıtqanda, 665 024 adamǵa peshti paıdalaný kezinde órt qaýipsizdigi talaptary túsindirilip, 483 473 úı tekserildi. Sonyń nátıjesinde, 212 789 buzýshylyq anyqtalǵan. Onyń ishinde 32 577 buzýshylyq birden joıyldy. Osy sharalardyń arqasynda óńir boıynsha jeke turǵyn úılerdegi órt 24 paıyzǵa azaıǵany baıqalady. Tilsiz jaýdyń saldarynan qaza bolǵandar sany 7 paıyzǵa tómendegen», - dep habarlady ShQO Tótenshe jaǵdaılar departamentiniń baspasóz qyzmeti.
Iis tııýdiń saldarynan turǵyndardyń kóz jumýy jylytý kezeńindegi ózekti másele. Kóbinese jazataıym oqıǵalar túngi ýaqytta nemese tańerteń úı ıeleri uıyqtap jatqanda bolady.
«Shyǵys Qazaqstanda 12 sáýirden bastap órt qaýpi joǵary kezeń bastalǵan. Búgingi tańda oblysta 23 ret órt faktisi tirkeldi. Aımaq boıynsha Memlekettik órtke qarsy qyzmet bólimsheleri joq eldi mekenderde 85 órt sóndirý beketi jumys isteıdi. Departament quramynda 2211 adamnan turatyn jeke quram jáne 452 tehnıka bar», - delingen aqparatta.