ShQO-da taýly jerlerde 4 qańtarǵa deıin qar kóshkini júrýi múmkin

ÓSKEMEN. QazAqparat – Shyǵys Qazaqstan oblysynda 4 qańtarǵa deıin qar kóshkini júrýi múmkin, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, 31 jeltoqsan men 4 qańtar aralyǵynda óńirde qar kóshkini júrý qaýpi bar.

«Meteorologııalyq jaǵdaıdyń ózgerýine, jıi qar jaýýyna jáne jeldiń kúsheıýine baılanysty oblystyń taýly jerlerinde qar kóshkini túsýi yqtımal. Osy rette, turǵyndarǵa barynsha abaı bolýdy, eshbir jaǵdaıda taýǵa shyqpaý qajettigin eskertemiz. Eger qandaı da bir qıyndyqqa tap bolsańyzdar birden «112» nómirine qońyraý shalyńyzdar», - dep habarlady vedomstvo ókilderi.

Sondaı-aq qutqarýshylar óńir jurtshylyǵyna alys saparǵa shyǵar aldynda joldardyń jaı-kúıin «Dármen» mobıldi qosymshasy arqyly tekserip otyrýǵa keńes berdi.