ShQO-da taýly jerde shyqqan órt eki kúnnen keıin sóndirildi

ÓSKEMEN QazAqparat – Shyǵys Qazaqstan oblysy Kúrshim aýdanyndaǵy taýly jerde shyqqan órt eki kúnnen keıin tolyqtaı sóndirildi, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, 6 shilde kúni Kúrshim aýdanynyń Quıǵan aýyldyq okrýgindegi taýly jerdi shyqqan órt eki kúnnen keıin aýyzdyqtaldy.

«8 shildede saǵat 11.00-de jalpy aýdany 20 gektar aýmaqqa jaıylǵan tilsiz jaý tolyǵymen sóndirildi. Órt tehnıka jetpeıtin qıyn jerde bolǵandyqtan ony óshirý úshin qutqarýshylarǵa jaıaý jumys isteýge týra kelgen. Sol sebepti órt sóndirý jumystary uzaqqa sozyldy», - delingen aqparatta.

Qyzyl jalynmen kúreske jergilikti atqarýshy organdardan, TJD, Úlken Naryn jáne Kúrshim orman sharýashylyqtarynan 100-den astam adam men 15 tehnıka jumyldyrylǵan.

Eske salsaq, keshe Kúrshim aýdanyndaǵy taýly jerde shyqqan órttiń taralýy toqtatylǵany habarlanǵan.