ShQO-da táýelsizdik jyldary 150-ge jýyq mektep boı kótergen

ÓSKEMEN. QazAqparat – Shyǵys Qazaqstan oblysynda táýelsizdiktiń 30 jylynda 150-ge jýyq mektep boı kótergen, dep habarlaıdy QazAqparat tilshisi.

ShQO aqparat ortalyǵynyń málimetine súıensek, sońǵy otyz jylda óńirde jan basyna shaqqandaǵy jalpy ishki ónim kólemi 30 esege, syrtqy taýar aınalymynyń kólemi toǵyz esege artyp, shahardy damytýǵa 5,3 trıllıon teńge ınvestıtsııa tartyldy.

Sondaı-aq 278 balabaqsha men 147 mektep salyndy.

Nátıjesinde, úsh aýysymdy mektep máselesi tolyqtaı sheshimin tapqan.

450-den astam sport, 99 densaýlyq saqtaý jáne 18 mádenıet nysany paıdalanýǵa berildi.

Segiz mıllıon sharshy metrden astam turǵyn úı salynyp, 88 myńnan astam shyǵysqazaqstandyq baspanaly boldy.

«Osyndaı órkenıetti elde turatynymdy maqtan tutamyn. Bilim salasynda 46 jyl, onyń ishinde 30 jyl balalar úıinde eńbek ettim. El kórgendi birge kórdik, urpaq ósirdik. Barshańyzdy osy aıtýly mereke – Táýelsizdiktiń 30 jyldyǵymen shyn júrekten quttyqtaımyn! Memleketimiz gúldene bersin», - deıdi Óskemen qalasynyń turǵyny Marııa Beıseqanova.