ShQO-da tártipsizdikke qatysýshylar esirtki men alkogol qabyldaǵan - polıtsııa

ÓSKEMEN. QazAqparat – Shyǵys Qazaqstan oblysynda jappaı tártipsizdikke qatysýshylar esirtki men alkogol qabyldaǵan, dep habarlaıdy QazAqparat «Habar 24» arnasyna silteme jasap.

Óńirde jappaı búlikke qatysqandardyń jalpy sany 3 myńnan kem emes, 500-i qamaýǵa alyndy jáne olardan jaýap alynýda. Al Semeıde oqıǵa saldarynan ákimshilik ǵımaratynyń 5 qabaty búlingen.

«Ustalǵandar arasynda esirtki shekken jáne mas adamdar bar. Saraptamalar taǵaıyndaldy. Olardyń qorytyndysy boıynsha zańsyz is-áreketterge protsessýaldyq baǵa beriledi. Buzaqylardyń qolynan 25 qyzmetker zardap shekti. Pyshaq jaraqatyn alǵandar da bar. Keıbireýleri aýrýhanaǵa jatqyzyldy. Ózgesi dene jaraqatyna qaramastan, tótenshe jaǵdaı rejımi kezeńinde qyzmetin jalǵastyryp jatyr», - dedi ShQO Polıtsııa departamenti baspasóz qyzmetiniń basshysy Tatıana Karpova.